नक्कली भूटानी शरणार्थी प्रकरणका दोषीलाई कारबाही गर्न मानव अधिकार एलाइन्स धादिङको माग

धादिङ,१२ ज्येष्ठ।
राष्ट्रिय मानवअधिकार तथा सामाजिक न्याय मञ्च(मानवअधिकार एलाइन्स) धादिङले नक्कली भूटानी शरणार्थी प्रकरणका दोषीलाई कारबाही गर्न माग गरेको छ ।

मानवअधिकार एलाइन्स धादिङले बिहिबार जिल्ला प्रशासन कार्यालयमा ज्ञापन पत्र बुझाएको छ । एलाइन्स धादिङका अध्यक्ष विनोद रिजालको नेतृत्वमा गएको टोलिले प्रमुख जिल्ला अधिकारी बद्रीनाथ गैह्रेमार्फत प्रधानमन्त्रीलाई ज्ञापन पत्र बुझाएको हो ।

नेपाली नागरिकलाई नक्कली भुटानी शरणार्थी बनाई तेस्रो मुलुकमा पठाउने काममा सरकारका केही उच्च पदस्थ कर्मचारीहरु, पुर्व मन्त्रीहरु लगायत संलग्न भएको र मानव तस्करी गर्ने कार्यमा राज्यका अंगहरुको दुरुपयोगप्रति मानव अधिकार एलाइन्सको गम्भीर ध्यानाकर्षण भएको ज्ञापन पत्रमा भनिएको छ ।

नीति निर्माता र राज्य सन्चालकहरु नै मानव तस्करी लगायतका अपराधिक गतिविधिमा संलग्न हुन भनेको राज्य व्यवस्था, शासन प्रणाली, राजनितिक दलहरु र कानुनी शासन प्रति अविश्वास सृजना गर्ने, मुलुकको सार्वभौमसत्ता र नागरिकको आत्मसम्मानमा चोट पु¥याउने विषय भएकाले यस्ता अपराधिक घटनाहरु कोही कसैबाट पनि नदोहोरिने सुनिश्चितता गरी दोषीमाथी कडा कारवाही गर्न ज्ञापनपत्रमा उल्लेख गरिएको छ ।

एलाइन्सले अनुसन्धानको प्रक्रिलाई सहयोग गरी मुलुकमा अपराध नियन्त्रण गर्न सुशासनको प्रत्याभुती कायम गराउन र मानव अधिकारको प्रत्याभुति गराउन सम्पुर्ण सरकोकारवालाहरुलाई आग्रह गरेको छ ।