धादिङमा भीरबाट लडेर एकजनाको मृत्यु

धादिङ,३० जेठ।
धादिङको गंगाजमुना गाउँपालिकामा भीरबाट लडेर एकजनाको मृत्यु भएको छ ।

आज गंगाजमुनको वडा नं ५ तल्लो कल्लेरीस्थित आचलपारी भीरबाट लडेर सोही ठाउँका २१ वर्षीय शोसम थापा मगरको मृत्यु भएको जिल्ला प्रहरी कार्यालय धादिङले जानकारी दिएको छ ।

भीरबाट करिब २० फिट तल खसेका मगरको घटनास्थलमा नै मृत्यु भएको प्रहरीले जनाएको छ ।

घटनास्थलमा अहिले मुचुल्का सहित थप अनुसन्धान भईरहेको प्रहरीले जनाएको छ ।