अबरुद्ध मुग्लिन-नारायणगढ सडक खण्ड पन्छाउनै मुश्किल,पहिरो झर्ने क्रम जारी

हिजो साँझ देखी पहिरो खस्ने क्रम अझै पनि नरोकिए पछि नारायणगढ–मुग्लिन सडकखण्ड अबरुद्ध छ ।

निरन्तर पहिरो गएका कारण पहिराे पन्छाउने कार्य सुचारु गर्न नसकिएको जिल्ला प्रहरी कार्यालय चितवनले जनाएको छ।मुग्लिनबाट करिब दुई किलोमिटर पश्चिम नारायणगढतर्फ तीन नम्बर पुल निर पहिरो खसिरहेका कारण हिजो देखी यातायाता सुचारु गराउन नसकिएकाे प्रहरीले जनाएको छ ।

पहिरो झर्ने क्रम जारी रहेकाले जोखिमका कारण मेसिन चलाउन नसकिएको जनाउँदै जाममा परेका सवारी साधनको लामो लाइन लागेको र पहिराे राेकिने बितिक्कै मेशिन लगेर पहिराे पन्छाउने याेजनामा प्रहरी रहेकाे जनाइएकाे छ ।

हाल काठमाडौंबाट भरतपुरतर्फ गएका ठूला सवारीसाधन मुग्लिन र कुरिनटार क्षेत्रमा तथा नारायणगढबाट काठमाडौं, पोखरातर्फ जाँदै गरेका सवारीसाधन जलबीरे, जुगेडी क्षेत्रमा रोकिएका छन्।file photo