तीन किलोमा पहिरो खस्यो:नारायणगढ–मुग्लिन सडक अवरुद्ध

इच्छाकामना गाउँपालिका–५ तीन किलोमा आज बिहान पहिरो खसेपछी नारायणगढ–मुग्लिन सडकखण्ड फेरी अवरुद्ध भएको छ।

अठ्ठाइस घण्टा लगाएर पहिरो पन्छाएसँगै रोकिएर राखिएका सवारी साधनलाई गन्तव्यतर्फ पठाउने काम भइरहेको समयमा पुनः पहिरो खसेसँगै यस सडक भएर यात्रा गर्ने यात्रु अलपत्र परेका छन् ।

सोही स्थनामा बिहीबार मध्याह्नबाट अवरुद्ध भएको सडक शुक्रबार साँझ ५ बजेबाट मात्र सञ्चालनमा ल्याइएको थियो । पहिरो पन्छाएर सञ्चालनमा ल्याइएको सडकमा पुनः पहिरो खसी सडक अवरुद्ध भएको जिल्ला ट्राफिक प्रहरी कार्यालय चितवनले जनाएको छ ।पहिरो पन्छाउने काम सुरु गरिएको छ ।

सो सडक हुँदै दैनिक १० हजारभन्दा बढी सवारी आवतजावत गर्ने गर्दछन् ।file photo