पहिरो खसेपछि नारायणगढ–मुग्लिन सडकखण्ड फेरि अवरुद्ध

चितवनको इच्छाकामना गाउँपालिका–५ स्थित तुइन खोला नजिक  पहिरो खसेपछि नारायणगढ–मुग्लिन सडकखण्ड फेरि अवरुद्ध भएको छ ।

शनिबार बिहान ११:३५ बजे पुनःपहिरो खसेपछि सडक दुईतर्फी अवरुद्ध भएको जिल्ला ट्राफिक प्रहरी कार्यालयले जनाएको छ। शनिबार बिहान ३:१५ बजे सोही स्थानमा पहिरो खसेर सडक बन्द भएको सडक सञ्चालन भएको केहीबेरमा पुनःपहिरो खसेर अवरुद्ध भएको हो ।

अहिले पहिरो पन्छाउने कार्य भइरहेको जिल्ला ट्राफिक प्रहरी कार्यालयले जनाएको छ। बिहीबार दिउँसो पनि सोही ठाउँमा पहिरो खसेर बन्द भएको सडक शुक्रबार बेलुकी ५ बजेदेखि खुलेको थियो।

यो सडक हुँदै दैनिक औसतमा १० हजार गाडी आवतजावत गर्ने गर्दछन् । सडक बन्द हुँदा यात्रु मर्कामा परेका छन्।फाइल तस्बिर