जापानमा धादिङका एक युवक मृत भेटिए

धादिङ,२८ असार।
जापानमा धादिङका एक विद्यार्थी मृत अवस्थामा फेला परेका छन्।

जापानको राजधानी टोकीयोको सुमिदा स्थित खोलामा धादिङको थाक्रे गाउँपालिका वडा नं.९ का २३ वर्षिय सुदिप आचार्य मृत अवस्थामा फेला परेका हुन् ।

सुमिदास्थित कुमा बस्दै आएका आचार्य जुलाई १० (असार २५ गते) राती ११ बजे साथीहरुलाई एकछिन निस्कन्छु भनेर गएका थिए ।

तर भोलीपल्ट सम्म पनि नफर्किएपछि साथीहरुले खोजी गर्दा नजिकैको खोलामा तैरिएको अवस्थामा मृत भेटिएका समाचार प्राप्त भएको छ । मृतक अचार्यको पोष्टमाटम पछि मात्रै घटनाका विषयमा थाहा हुने जनाएको छ ।

एक वर्ष अघि मात्रै विद्यार्थी भिषामा जापान पुगेका उनी रिचिनोमोरी जापानिज ल्याङवेज स्कुल, ¥योगोकु सुमिदा कु टोकियोमा अध्ययनरत थिए।