हेटौँडा–काठमाडौँ सडक पुसभित्र निर्माण सम्पन्न हुने मुख्यमन्त्री जम्कट्टेलको भनाई

हेटौँडा,१६ भदौ।
बागमती प्रदेश सरकारका मुख्यमन्त्री शालिकराम जम्कट्टेलले हेटौँडा–काठमाडौँ सडक पुसभित्र निर्माण सम्पन्न हुने बताउनुभएको छ।

प्रदेश राजधानी र सङ्घीय राजधानी जोड्ने हेटौँडा–कुलेखानी–फाखेल–काठमाडौँ सडकको निर्माण चार महिनाभित्र पूरा हुने दाबी गर्नुभयो।

मुख्यमन्त्री जम्मकट्टेलले निर्माणमा ढिलासुस्ती नगर्न निर्माण कम्पनीलाई निर्देशन दिइएको बताउनुभयो । उहाँले समयमा नै काम सम्पन्न गराउनका लागि सम्बन्धित मन्त्रालयका मन्त्रीसँग कार्यसम्पादन करार सम्झौता गरिसकिएको बताउनुभयो ।

प्रदेश राजधानी र सङ्घीय राजधानी काठमाडौँसम्म जोड्ने छोटो मार्गका रुपमा रहेको यस सडकखण्ड पहिरोको उच्च जोखिममा छ । जसका कारण सामान्य वर्षामा समेत पहिरोका कारण पटक–पटक सडक अबरुद्ध हुँदै आएको छ।