यस्तो छ,आजको मौसम

नेपालमा  हाल भारतको  मध्य  प्रदेश  र  आसपासको  क्षेत्रमा  रहेको  न्यून  चापीय  प्रणालीको  समेत  आंशिक  प्रभाव  रहेको  छ।हाल  मनसुनको  न्यून  चापीय  रेखा सरदर  स्थानको  दक्षिणतिर  अवस्थित  छ।

हाल  देशभर  आंशिक देखी सामान्य  बदली  रही कोशी,  मधेश,  बागमती,  लुम्बिनी  र  कर्णाली  प्रदेशका  थोरै  स्थानहरूमा  हल्का  देखि मध्यम  वर्षा  भइरहेको जल  तथा  मौसम  विज्ञान  विभाग, मौसम  पूर्वानुमान  महाशाखाले जनाएको छ।

दिउँसो देशभर  आंशिक  देखि  सामान्य  बदली  रहने छ। कोशी, बागमती,  गण्डकी,  कर्णाली  र  सुदूरपश्चिम  प्रदेशका  केही स्थानहरू तथा  बाँकी  प्रदेशका  थोरै  स्थानहरुमा  मेघ  गर्जन र चट्याङ्ग सहित  हल्का  देखि  मध्यम  वर्षाको  सम्भावना  रहेको छ। सुदूरपश्चिम प्रदेशको  एक दुई स्थानमा  भारी  वर्षाको  समेत  सम्भावना  रहेको  छ।

महाशाखाका अनुसार राती भने देशभर  आंशिक  देखि  सामान्य  बदली    रहने छ। कोशि, मधेश, लुम्बिनी,  गण्डकी  र  सुदूरपश्चिम  प्रदेशका  केही स्थानहरूमा  तथा  बाँकी  प्रदेशका  थोरै  स्थानमा  मेघ  गर्जन र चट्याङ्ग सहित  हल्का  देखि  मध्यम  वर्षाको  सम्भावना  रहेको छ। साथै, कोशी र  सुदूर पश्चिम  प्रदेशको  एक दुई स्थानमा  भारी  वर्षाको  समेत  सम्भावना  रहेको  छ।

कोशि, बागमती,  गण्डकी,  लुम्बिनी, कर्रणाली र सुदूरपश्चिम प्रदेशका  केही  स्थानहरूमा  तथा  मधेश  प्रदेशका  थोरै  स्थानमा मेघ  गर्जन र चट्याङ्गसहित  हल्का  देखि  मध्यम  वर्षाको  सम्भावना  रहेको महाशाखाले जनाएको छ।

महाशाखाका अनुसार मधेश,  गण्डकी, लुम्बिनी र सुदूरपश्चिम प्रदेशको  एक दुई  स्थानमा  भारी  वर्षाको  समेत  सम्भावना  रहेको  छ।  मधेश प्रदेश  लगायत  बागमती,  गण्डकी  र  लुम्बिनी  प्रदेशका  तराई  भू-भागका  थोरै  स्थानहरुमा  हावाहुरीको  सम्भावना  रहेको  छ।

वर्षाका  कारण त्यस  क्षेत्रहरूबाट  बहने  नदीको  जल  सतह  हल्का  बढ्न  सक्ने,  गेग्रान  बहाव,  बाढी,  पहिरो,  भू-क्षय जस्ता प्रकोप  हुन सक्ने  भएकोले  जन  स्वास्थ्य,  कृषि,  दैनिक  जनजीवन,  सडक  तथा हवाई   यातायातमा  हुन  सक्ने असुविधा,  जोखिम  लगायत  चट्याङ्ग  तथा  हावा-हुरीको  क्षतिबाट  बच्न  आवश्यक  सतर्कता  अपनाउन महाशाखाले अनुरोध गरेकाे छ।