धादिङको मैदी आसपास केन्द्र भएर ४.२ रेक्टरको भूकम्प

धादिङ। जिल्लाको ज्वालामुखी गाउँपालिकास्थित मैदी आसपास केन्द्रविन्दु भएर भूकम्प गएको छ।

आज बिहान ८ः२३ बजे धादिङ केन्द्र भएर ४.२ रेक्टर स्केलको भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ।

भूकम्पको धक्का धादिङ, नुवाकोट लगायत पहाडी क्षेत्रमा महसुस गरिएको बताइएको छ। भूकम्पले पु¥याएको क्षतिको विवरण भने प्राप्त नभएको जिल्ला प्रशासन कार्यालय धादिङले जनाएको छ।

यसअघि गएको कात्तिक ५ गते धादिङको खरी आसपास केन्द्रबिन्दु भएर ६ दशमलव १ रेक्टरस्केलको भूकम्प गएको थियो।नेपाल भूकम्पको उच्च जोखिमयुक्त क्षेत्र अन्तर्गत पर्ने भएकाले जुनसुकै बेला पनि ठूलो भूकम्पको जोखिम रहेकाे छ।