सिद्धलेक गाउँपालिकाद्धारा जाजरकोटका भूकम्प प्रभावितलाई सहयोग

धादिङ ।धादिङको सिद्धलेक गाउँपालिकाले जाजरकोटको भूकम्प प्रभावित विद्यालयलाई टेण्ट र प्रभावितलाई राहत वितरण सामाग्री सहयोग गरेको छ ।

गाउँपालीकाका अध्यक्ष परशुरामा खतिवडाको नेतृत्वको टोलीले भूकम्पका कारण विद्यालय भत्कीएपछि खुल्ला आकाशमुनी कक्षा चलाईरहेको विद्यालयलाई कक्षा सन्चालन गर्न मिल्ने टेण्ट सहित प्रभावितलाई राहत सामाग्री सहयोग गरेको हो ।

गाउँपालीकाले जाजरकोटको नलगाड नगरपालीकामा रहेको श्री त्रिभुवन माध्यमिक विद्यालयलाई २० बाई ३० को २ ओटा टेण्ट उपलव्ध गराएको हो ।

त्यस्तै प्रभावितहरुलाई सिंगल पोलार वेडसिट, तकिया, व्लाङ्केट, पि फर्म समेत वितरण गरेको छ ।

भुकम्प भएको झण्डै तिन महिना भईसक्दा समेत राहत सामाग्री नपाएको र विद्यार्थीले खुल्ला आकाशमुनि बसेर पढ्नु परेको सुनेपछि विद्यालयलाई टेण्ट र नगरपालीका मार्फत प्रभावितलाई अन्य सामाग्री सहयोग गरिएको अध्यक्ष खतिवडाले बताउनुभयो।

प्रधानमन्त्रि राहतकोषमा सहयोग रकम हाल्न लागेको गाउँपालीकाले खुल्ला आकाशमुनि बसेर पठनपाठन गर्न परेको समाचार सुनेपछि विद्यार्थीको पठनपाठनमा तत्काल राहत हुने भन्दै राहत सामाग्री लिएर पुगेको बताउनुभयो ।

उहाँले पिडामा परेको जाजरकोटबासिमा आफ्नो गाउँपालीकाको तर्फबाट सहयोग गर्न पाएकोमा खुशि व्यक्त गर्दै आफु र आफ्नो गाउँपालीकको नागरीकका तर्फबाट भुकम्पमा परि ज्यान गुमाएकाहरु प्रति श्रद्धञ्जली व्यक्त गर्दै घाईतेहरुको सिघ्र स्वास्थ्यलाभको कामना समेत गर्नुभएको छ ।

अध्यक्ष खतिवडाले भुकम्प पिडितको बासस्थान निर्माणमा राज्यले तदारुकता देखाउनुपर्ने भन्दै सिद्धलेक गाउँपालिका सहकार्य गर्न तयार रहेको पनि बताउनुभयो ।

राहत सामाग्री लीएर जाजरकोटको नलगाड पुगेको टोलीलाई शिक्षक, विद्यार्थी र स्थानीयले स्वागत समेत गरेका थिए । ३ महिना वित्न लाग्दा समेत संघ र प्रदेश सरकारले चासो नदिएर खुल्ला आकाशमुनि राखेर पढाउनु पर्दा विद्यार्थीको पढाई समेत प्रभावित भईरहेको र स्थानीयले चिसोमा रात गुजार्न बाध्य भएकोवेला स्थानीयलाई सम्झिएर टाढा देखि आफ्नो गाउँमा आईपुगेको भन्दै स्थानीयले खुशि व्यक्त गरेका थिए ।

राहत सामाग्री बुझ्दै विद्यालयका प्रधानाध्यापकले विपत्तीमा गरेको यो सहयोग सँधै सम्झीरहने बताउँदै सिद्धलेक गाउँपालीकाका अध्यक्ष सहित गाउँपालीका परिवारलाई धन्यवाद व्यक्त गर्नुभयो ।

सिद्धलेकबाट राहत सामाग्री लिएर अध्यक्ष खतिवडासँगै वडा नंवर ५ का वडा अध्यक्ष वुधे घले, ३ नंवर वडाका वडा अध्यक्ष देवबहादुर पुलामि मगर र लेखा अधिकृत नवराज उपाध्याय पुग्नुभएको थियो।

गत कात्तिक १७ गते जाजरकोट केन्द्रबिन्दु भएर गएको ६.४ म्याग्निच्युडको भूकम्पमा परी कम्तीमा १५७ जनाको मृत्यु भएको थियो भने थुप्रै घाइते भएका छन् । भूकम्प पीडितहरुका लागि विभिन्न व्यक्ति र संघसंस्थाले समेत राहत संकलन तथा वितरण गरिरहेका छन् ।