१९० वटा पालिकामा प्रमुख प्रशासकीय अधिकृतको पद रिक्त

पालिकाहरुमा कर्मचारी व्यवस्थापन गर्न नसक्दा लामो समयदेखि निमित्तकै भरमा पालिका सञ्चालनमा रहेको छ।

देशभरका ७ सय ५३ पालिकामध्ये १ सय ९० वटामा प्रमुख प्रशासकीय अधिकृतको पद रिक्त छ ।पद रिक्त हुँदा पालिकाको प्रशासकीय सेवा प्रभावित भएको छ ।

८० वटा गाउँपालिका र १ सय १० वटा नगरपालिका गरी १ सय ९० वटा पालिकामा प्रमुख प्रशासकीय अधिकृतको पद खाली रहेको गाउँपालिका राष्ट्रिय महासङ्घका कार्यकारी निर्देशक राजेन्द्र प्याकुरेलले बताउनुभयो ।

पालिकाका प्रमुख प्रशासकीय अधिकृत सङ्घीय सरकारले पठाउने व्यवस्था रहेको भएपनि केन्द्र वा प्रदेश सरकारबाट पठाउने भन्नेमा नै विवाद रहेको प्याकुरेलले उल्लेख गर्नुभयो ।

प्रमुख प्रशासकीय अधिकृत नभएका पालिकामा निमित्तबाट काम भइरहेको बताउनुभयो।

कतिपय पालिकामा सङ्घीय सरकारले पठाएका प्रमुख प्रशासकीय अधिकृतलाई हाजिर गर्न नदिने र आफूले रोजेको अधिकृत पाउनुपर्ने माग गर्दा पनि समस्या भएको उहाँको भनाइ छ।