धादिङका पूर्णबहादुर सहित रुसी सेनामा कार्यरत थप ७ नेपालीको मृत्यु

धादिङ । रुसी सेनामा कार्यरत थप सात जना नेपालीको मृत्यु भएको छ ।परराष्ट्र मन्त्रालयले बिहिबार एक प्रेस बिज्ञप्ती जारी गर्दै थप सात नेपालीको ज्यान गएको जनाएको छ ।

मन्त्रालयका अनुसार ज्यान गुमाउनेमा धादिङका पूर्णबहादुर गुरुङ, जाजरकोटका नवीन शाही, उदयपुरका पदमबहादुर घिमिरे, झापाका गङ्गाराम अधिकारी, बाग्लुङका जितबहादुर विक, बाँकेका सञ्जय केसी र रसुवाका सुन्दर मोक्तान रहेका छन् ।

योसँगै रुसी सेनामा कार्यरत ज्यान गुमाउने नेपालीको सङ्ख्या १९ जना पुगेको मन्त्रालयले जनाएको छ ।

रुसी सेनामा ज्यान गुमाएका नेपालीका परिवारलाई रुसी सरकारबाट क्षतिपूर्ति तथा घाइतेको उपचार र कार्यरत नेपालीलाई फिर्ता पठाउन निरन्तर अनुरोध गर्दै आएको मन्त्रालयको भनाइ छ ।