तरकारी/फलफूल बजार, नर्सरी,कोल्ड स्टोर र मासु तथा माछाजन्य व्यवसायलाई १५ दिनभित्र दर्ता गर्न निर्देशन

काठमाडौं महानगरपालिकाको कृषि तथा पशुपालन विभागले १५ दिनभित्र तरकारीरफलफूल बजार, नर्सरी,कोल्ड स्टोर र मासु तथा माछाजन्य उद्योग तथा व्यवसायलाई दर्ता गर्न निर्देशन दिएको छ।

महानगरपालिकाले आज एक सूचना जारी गर्दै महानगरपालिका क्षेत्रभित्र संचालनमा रहेका सम्पूर्ण तरकारीरफलफूल बजार, नर्सरी, कोल्ड स्टोर र मासु तथा माछाजन्य उद्योग तथा व्यवसायहरूलाई १५ दिनभित्र महानगरपालिकामा दर्ता भई सो को विवरण काठमाडौं महानगरपालिका कृषि तथा पशुपंक्षी विभागमा पेश गर्न निर्देशन दिएको हो ।

उक्त तोकिएको अवधिभित्र सूचीकृत नभएमा नियमानुसार कारबाही गर्ने चेतावनीसमेत महानगरपालिकाले दिएको छ।