नागढुङ्गा सुरुङमार्गको मुख्य सुरुङ छिचोल्न २ मिटर खन्न बाँकी

नागढुङ्गा–सिस्नेखोला सुरुङमार्गको मुख्य सुरुङ छिचोल्न दुई मिटर खन्न बाँकी रहेको छ।

सुरुङ छिचोल्ने अवस्थामा पुगेको भए पनि मिति भने तय भइनसकेको आयोजनाका उपनिर्देशक गोविन्द दुमरुले जानकारी दिनुभयो ।

ब्रेक ’थ्रु’ को मिति चाँडै तय हुने पनि दुमरुले बताउनुभयो ।

यसअघि गएको फागुन २३ गते नै सुरुङ छिचोल्ने मिति तय भएकोमा स्थानीयवासीले काममा अवरोध गर्दा हुन सकेको थिएन। स्थानीयवासीसँगको सहमतिपछि गएको चैत ६ गतेदेखि फेरि काम शुरु भएको हो ।

सुरुङ छिचोलेपछि सुरुङलाई थप सुधार गर्नुपर्ने भएकाले गाडी चलाउन थप एक वर्ष लाग्ने उपनिर्देशक दुमरुले बताउनुभयो ।अहिले थानकोटमा फ्लाईओभर निर्माण भइरहेको छ ।