आगलागी र डढेलोबाट २६ जनाको मृत्यु,८३ जना घाइते

वैशाख महिनामा मात्रै आगलागी र डढेलोबाट २६ जनाको मृत्यु भएको छ भने ८३ जना घाइते भएका छन् ।

सुक्खा र गर्मी बढेसँगै एक महिनामै आगलागीका घटनामा २० जना र वन डढेलोमा परेर ६ जनाको ज्यान गएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।

आगलागीबाट एक हजार तीन सय ६४ र डढेलोबाट चार सय सात घरपरिवार प्रभावित भएका छन् । यस्तै वैशाखामा चट्याङबाट आठ जनाको ज्यान गएको छ ।

वैशाखमा इतिहासकै धेरै वन डढेलो भएको वन तथा भू–संरक्षण विभागले जनाएको छ ।