खाल्डो खन्ने क्रममा पुरिएर तीन मजदूरको मृत्यु

नाला बनाउनको लागि खाल्डो खन्ने क्रममा पुरिएर नवलपरासी बर्दघाट सुस्तापूर्व कावासोतीमा तीन जना मजदूरको मृत्यु भएको छ ।

पूर्व पश्चिम राजमार्गअन्तर्गत कावासोती नगरपालिका २ को फलफूल चोकदेखि पूर्वतर्फ ढल निकासका लागि खनेको खाल्डोमा काम गरिरहेका तीन जना महिला मजदुरको पुरिएर ज्यान गएको प्रहरीले जनाएको छ ।

मृतकहरुको परिचय खुलाईएको छैन ।

ढल निकासीको ह्यूम पाइप राख्न निर्माणाधीन नालामा काम गर्ने क्रममा माटोको ढिस्को खस्दा उनीहरु पुरिएका थिए । राजमार्ग किनारमै नाला खन्दा नगरपालिका र ठेकेदारले आवश्यक सावधानी नअपनाएको भन्दै स्थानीयबासीले विरोध गरेका छन् ।