अनेरास्ववियु धादिङले सबै क्याम्पसहरुमा उम्मेदवार उठाउने

धादिङ,२६ फागुन।
आगामी चैत ५ गतेहुने स्ववियु निर्वाचनमा अनेरास्ववियुले निर्वाचन हुने सबै क्याम्पसहरुमा उम्मेदवार उठाउने तय गरेको छ।

मनोनयन फारम खरिद गर्ने समय तोकिएको समयमा सबै क्याम्पसहरुबाट मनोनयन फारम ल्याइएको अनेरास्ववियु धादिङका अध्यक्ष रक्तिम रेग्मीले जानकारी दिनुभयो ।

नीलकण्ठ बहुमुखी क्याम्पस, नमुना बागेश्वरी बहुमुखी क्याम्पस बैरेनी, मछिन्द्र बहुमुखी क्याम्पस खानीखोला, आदर्श बहुमुखी क्याम्पस गजुरी, चन्द्रोदय बहुमुखी क्याम्पस विशालटार, नेत्रावती बहुमुखी क्याम्पस खहरेमा अनेरास्ववियुले उम्मेदवार उठाउन तयारी गरेको छ ।

अनेरास्ववियुले विजय हासिल गर्नका लागि स्थानीय स्तरमा नेकपा एमालेसंग सल्लाह गरि उम्मेदवार उठाउन लागिएको अनेरास्ववियुले जनाएको छ ।

१४ ओटा क्याम्पस रहेको धादिङमा यस बाहेकका क्याम्पसहरुले संगठन दर्ताको समयमा संचालक समतिले सूचना जारी नगरेका कारण स्ववियु निर्वाचन नहुने भएको छ ।