मासटारबाट ११ किलो गाँजासहित एकजना पक्राउ

धादिङ,२८ फागुन।
धादिङको गल्छी गाउँपालिका वडा नं.४ मासटारबाट ११ किलो २५० ग्राम गाँजासहित एकजना पक्राउ परेका छन् ।

शुक्रबार अस्थायी प्रहरी पोष्ट आदमघाटबाट खटिएको प्रहरी टोलिले गजुरी गाउँपालिका वडा नं. ८ किरान्चोक बस्ने बर्ष ३४ को वीर बहादुर तामाङलाई पक्राउ गरेको हो ।

मासटारमा शंकास्पद अवस्थामा पैदल हिडिरहेका तामाङलाई चेकजाँच गर्ने क्रममा गाँजा फेला पारि पक्राउ गरिएको प्रहरीले जनाएको छ । तामाङलाई लागु औषध गाँजा मुद्दा दर्ता गरी थप अनुसन्धान भईरहेको प्रहरीले जनाएको छ ।