धादिङबेशीमा ५३ जनाद्धारा रक्तदान

धादिङ,१४ चैत ।
धादिङ बचत तथा ऋण सहकारी संस्थाको स्थापना दिवसमा मंगलबार धादिङबेशीमा रक्तदान कार्यक्रम सम्पन्न भएको छ।

सहकारीको आयोजना तथा नेपाल रेडक्रस सोसाईटी रक्त संचार केन्द्र धादिङको प्राविधिक सहयोगमा संस्थाको २२ औँ स्थापना दिवसमा धादिङ अस्पताल परिसरमा भएको रक्तदान कार्यक्रममा २३ महिला र ३२ पुरुष गरी ५५ जनाले रक्तदान गरेको धादिङ रेडक्रसका कोषाध्यक्ष नारायण कुमार श्रेष्ठले जानकारी दिनुभयो ।

धादिङमा रक्तदान गर्नेको संख्या बढ्दै गएको छ । नियमित रूपमा रक्तदान गर्ने रक्तदाताहरूको संख्या बढेसँगै जिल्लामा रगत संकलन बढ्दै गएको कोषाध्यक्ष श्रेष्ठले बताउनुभयो ।धादिङमा अभियानकै रुपमा रक्तदान कार्यक्रम आयोजना गरिदै आएको छ ।

रगतको अभावलाई न्युनीकरण गर्नको लागी विभिन्न मेला, पर्व, उत्सव, सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि रगत संकलन गरीदैँ आएको छ ।