जवरजस्ती करणीको आरोपमा गजुरीका आईमान सिं पक्राउ

धादिङ,१४ चैत ।
जवरजस्ती करणीको आरोपमा गजुरीबाट एक जना पक्राउ परेका छन् ।

आज बिहान करिब ५ः३० बजेको समयमा धादिङको गजुरी गाउँपालिका–२ झोलुङ्गे पुल स्थित एक महिलालाई जवरजस्ती करणी गरी फरार रहेका गजुरी–२ चाम्बास बस्ने बर्ष २१ को आईमान सिं तामाङ पक्राउ परेको ईलाका प्रहरी कार्यालय गजुरीले जनाएको छ ।

सेतो सर्ट, सेतो पाईन्ट र कानमा मुन्द्रा लगाएको पुरुषले जवरजस्ती करणी गरी फरार रहेको जानकारी पश्चात गजुरीबाट खटीएको प्रहरी टोलीले खोजतलास गर्दै जाँदा बिहान ९ बजे तामाङलाई लुकिछिपी आफ्नै घरमा बसिरहेको अवस्थामा फेला पारी पक्राउ गरेको प्रहरीले जनाएको छ ।

तामाङलाई पिडित महिलाबाट सनाखत गराई जबरजस्ती करणी कसूरमा धादिङ जिल्ला अदालतबाट १० दिनको म्याद थप गरी अनुसन्धान भईरहेको ईलाका प्रहरी कार्यालय गजुरीले जनाएको छ ।