चुम्लिङटारमा मोटरसाइकल दुर्घटना हुँदा धादिङका एकको मृत्यु

धादिङ,२१ चैत ।
चितवनको ईच्छाकामना गाउँपालिका–३ चुमलिङटारस्थित सडकमा मोटरसाइकल दुर्घटना हुँदा धादिङका एक जनाको मृत्यु भएको छ।

सोमबार राति चुम्लिङटारबाट धादिङ हुग्दी खोलातर्फ आउँदै गरेको बा.५६ प २९८३ नम्बरको मोटरसाइकल आफै अनियन्त्रित भई दुर्घटना हुँदा चालक धादिङ वेनिघाट रोराङ गाउँपालिका–३ बस्ने २४ वर्षीय अन्जन सिलवालको मृत्यु भएको प्रहरीले जनाएको छ ।

दुर्घटनामा गम्भीर घाइते भएका उनको पुरानो मेडिकल कलेज भरतपुरमा उपचारको क्रममा मृत्यु भएको हो ।दुर्घटनाका बारेमा थप अनुसन्धान भइरहेको प्रहरीले जनाएको छ।