नीलकण्ठ क्याम्पसका बिद्यार्थीलाई वाणिज्य बैँकको वित्तिय साक्षरता कार्यक्रम

धादिङ,२३ चैत ।
राष्ट्रिय वाणिज्य बैँकको धादिङबेशी शाखाले नीलकण्ठ बहुमुखी क्याम्पसमा अध्ययनरत विद्यार्थीहरुका लागि वित्तिय साक्षरता कार्यक्रम सञ्चालन गरेको छ ।

नेपाल राष्ट्र बैकले अद्यावधिक गरेको वित्तिय साक्षरता मार्गदर्शन २०७९ अन्तरगत राष्ट्रिय वाणिज्य बैँक धादिङबेशी शाखाले शुक्रबार विद्यार्थीहरुलाई वित्तिय साक्षरता कार्यक्रम सञ्चालन गरेको हो ।

बैँकका प्रबन्धक दिपक न्यौपानेले संचालन गर्नुभएको कार्यक्रममा युवा वर्ग लक्षित कार्यक्रम अन्तरगत बैँक, कर्जा, लगानी, बचत, रेमिट्यान्स र डिजिटल बैँकीङको फाइदा तथा जोखिम न्युनिकरण साथै सफा नोट निती सम्बन्धि छलफल गरिएको थियो।

कार्यक्रममा १२० जना विद्यार्थीहरुको सहभागिता रहेको थियो।