धादिङमा प्रभातफेरि गरी मनाईयो विश्व स्वास्थ्य दिवस

धादिङ,२४ चैत ।
आज विश्व स्वास्थ्य दिवस, हरेक वर्ष अप्रिल ७ का दिन मनाइने विश्व स्वास्थ्य दिवसमा विविध कार्यक्रम गरि मनाइएको छ ।

स्वास्थ्य संगठनको स्थापना दिवसको अवसरमा मनाईने दिवसमा यस वर्ष नेपालमा ’सबैका लागि स्वास्थ्य’ भन्ने नाराका साथ मनाईको छ।धादिङमा पनि प्रभातफेरि कार्यक्रम गरी दिवस मनाएको छ ।

धादिङ अस्पताल धादिङ र स्वास्थ्य कार्यालय धादिङको संयुक्त आयोजनामा प्रभातफेरि कार्यक्रम गरी दिवस मनाएको हो । अस्पताल र स्वास्थ्य कार्यालयमा कार्यरत कर्मचारीहरुको सहभागितामा भएको प्रभातफेरि धादिङबेशी स्थित पुछारबजारबाट सुरु भई अस्पतालमा पुगेर कोणसभामा परिणत भएको थियो ।

स्वास्थ्य प्रवर्द्धन गर्न, विश्वलाई सुरक्षित राख्न र जोखिममा परेकालाई स्वास्थ्य सेवा प्रदान गरी सबैका लागि गुणस्तरीय र पहुँचयोग्य स्वास्थ्य सेवाका विषयमा ध्यानाकर्षण गर्ने मुख्य उद्देश्य सहित यो दिवस मनाउने गरिन्छ ।

विश्व स्वास्थ्य संगठनको ७५ औँ वार्षिकोत्सव रहेकोले पनि यो वर्षको विश्व स्वास्थ्य दिवस विशेष रहेको छ । सन् १९४८ मा विश्व स्वास्थ्य संगठनको स्थापना भएको थियो ।

नेपालको संविधानले हरेक नागरिकलाई राज्यबाट आधारभूत स्वास्थ्य सेवा निःशुल्क प्राप्त गर्ने हक प्रत्याभूत गरेको छ । तर, निःशुल्क स्वास्थ्य सेवा पाउन भने नागरिकलाई सास्ती छ ।

कतिपय ठाउँका स्वास्थ्य संस्थामा औषधि समेत अभाव छ । निःशुल्क पाइने औषधि समेत नागरिकले महंगोमा किन्नु पर्ने बाध्यता छ ।