शैक्षिक सुधारका लागि गजुरीका जनप्रतिनिधि र शिक्षकहरुबिच अन्तरक्रिया

गजुरी,१८ बैशाख ।
गजुरी गाउँपालिका–३ मा शैक्षिक सुधारका लागि गजुरीका जनप्रतिनिधि र शिक्षकहरुबिच अन्तरक्रिया गरिएको छ ।

शैक्षिक सुधारका लागि वडामा रहेका ५ वटा बिद्यालयका शिक्षकहरु, बिव्यसका अध्यक्षहरु र सम्बन्धित सरोकारवाला तथा जनप्रतिनिधिहरुबिच आईतबार अन्तरक्रिया गरिएको हो ।

अन्तरक्रियामा बिद्यालयका सेवा क्षेत्र भित्रका बिद्यालय उमेर समुहका बालबालिकाहरु सिकाई वातावरण सिर्जनामा सहजताको लागि विद्यालय व्यवस्थापन समिति, प्रधानाध्यापक, शिक्षक अभिभावक संघ लगायत सरोकारवालाहरुको शैक्षिक ज्ञान, सीप तथा क्षमता अभिबृद्धिको मार्फत बालमैत्री वातावरण तयार गरि सिकाई उपलब्धि बृद्धिमा सहयोगको लागि अन्तरक्रिया गरिएको हो ।

वडा न–३ का वडाध्यक्ष ऋषिलाल श्रेष्ठको अध्यक्षतामा भएको अन्तरक्रियामा गाउँपालिका अध्यक्ष गणेशलाल श्रेष्ठ,उपाध्यक्ष शर्मिला बिसुराल ,वडाध्यक्षहरू तारा भण्डारी,भक्त तामाङ,देबराज ओझा,स्रोतव्यक्ति सुजन भण्डारी लगायत ६० जनाको उपस्थिति रहेको थियोे ।

बालबालिकाहरुको शैक्षिक सवालहरु,बिद्यालय आर्थिक पारदर्शिता, बाल अधिकार , बालबालिका र अभिभावकहरु अभिभावक र शिक्षक ,शिक्षक र प्रधानाध्यापक बिचको सम्बन्ध र यसले बालबालिकामा पार्ने प्रभाव र सम्बन्ध सहज र सुमधुर बनाउन सबै पक्षले गर्नुपर्ने कार्य तथा तौरतरिका लगायतका बिषयबस्तुमा अन्तरक्रिया गरिएको वडाध्यक्ष श्रेष्ठले बताउनुभयो ।

बिद्यालय बालमैत्री वातावरण सिर्जना गर्न किन जरुरी छ ? स्थानीय स्तरमा उपलब्धि बस्तुहरुलाई कसरी शैक्षिक सामाग्रीको रुपमा प्रयोग गर्ने,बालबालिका र पारिवारिक सदस्यको सुमधुर सम्बन्ध,परिवारले बालबालिकालाई गर्नुपर्ने स्याहार तथा हेरचाह, अभिभावकसँग छलफल तथा सचेतना सेसन संचालन बिधि,प्रधानाध्यापक ,शिक्षकहरुले के कसरी बालमैत्री विधिबाट शिक्षण गर्नुपर्छ,बिद्यालय व्यवस्थापन समिति ,शिक्षक अभिभावक संघ,शिक्षक, बालबालिकाहरुको भुमिका र उत्तरदायित्व,बिद्यालय विकासमा अभिभावकहरुको भुमिका लगाएतका बिषयमा प्रयास नेपाल धादिङ कार्यकारी निर्देशक दामोदर अर्यालले सहजिकरण गर्नुभएको थियोे ।

कार्यशालापछि वडाका सबै बिद्यालयहरुले शैक्षिक सुधार लागि कार्ययोजना तयार गरि र कार्यान्वयन गर्नेे महेन्द्रोदय माविका प्रधानाध्यापक रमेश पाठकले बताउनु भयो ।