गल्छीमा चक्कु प्रहारबाट एक युवकको हत्या : हत्या आरोपमा ६ पक्राउ

धादिङ,२८ बैशाख ।
धादिङको गल्छि गाउँपालिका वडा नम्बर ८ स्थित निबुवाबोटेमा चक्कु प्रहारबाट एक युवकको हत्या भएको छ।

बुधबार राती निबुवाबोटेमा रहेको सानदार होटलमा खाजा खान गएका गल्छी गाउँपालिका ८ कटलपौवाका २७ वर्षीय विनोद थापा मगरमाथि चक्कु प्रहार भएको थियो।

चक्कु प्रहारमा घाइते भएका ती युवकको काठमाण्डौस्थित नर्भिक अस्पतालमा मत्यु भएको जिल्ला प्रहरी कार्यालय धादिङका सूचना अधिकारी प्रहरी निरीक्षक धर्मजित थिङले जानकारी दिनुभयो ।

हत्या आरोपमा ६ जनालाई प्रहरीले नियन्त्रणमा लिएको छ । होटल सञ्चालक २८ वर्षीय निरज पण्डित र पण्डितकी आमा सरस्वतीसहित ६ जनालाई नियन्त्रणमा लिएको थिङले बताउनुभयो ।

खाजा खाएको एक हजार एक सय रुपैयाँ तिर्न विनोदले एक हजार ५ सय रुपैयाँ दिएको तर चार सय रुपैयाँ फिर्ता नपाएपछि विवाद हुदाँ निरजले विनोदलाई छुरा हानेको आशंका गरिएको थिङको भनाई छ ।

छुरा प्रहारबाट घाइते भएका विनोदलाई सँगै खाजा खाइरहेका दुई जना साथीले राति नै उपचारका लागि काठमाण्डौ नर्भिक अस्पताल पु¥याएका थिए तर, अस्पताल पु¥याउना साथ विनोदको मृत्यु भएको प्रहरीले जनाएको छ ।

घटनाबारे थप अनुसन्धान भईरहेको छ ।  पिडित पक्षले एक गाडीमा आगजनी र घरमा तोडफोड गरेका छन् भने  केही समय गल्छि नुवाकोट त्रिशुली सडक खण्ड समेत अवरुद्ध गरेका थिए।

तस्विर :सन्तोष अधिकारी