गल्छी गाउँपालिकाको कार्यालय महेशदोभानको अम्लेश्वर मन्दिर परिसरमा

धादिङ,२८ बैशाख ।
धादिङको गल्छी गाउँपालिकाको कार्यालय महेशदोभानको अम्लेश्वर मन्दिर परिसरमा सर्ने भएको छ ।

बैरेनीमा भाडाको घरमा सञ्चालित गाउँपालिकाको प्रशासनिक कार्यालय गल्छी गाउँपालिका–६ महेशदोभानस्थित अम्लेश्वर महादेव मन्दिर परिसरमा रहेको नयाँ शहर आयोजना कार्यालयको पुरानो भवनमा सर्ने भएको हो ।

गाउँपालिकाले मंगलबार एक सूचना सार्वजनिक गर्दै कार्यालय स्थानान्तरण हुन लागेकोले बैशाख २८ गते देखि ३१ गते सम्म तीन दिन कार्यालयको अत्यावश्यक सेवा बाहेक अन्य सेवा वन्द रहने जानकारी गराएको छ ।