नेत्रावतीमा नसर्ने रोगहरुको स्क्रिनिङ सहित निशुल्क स्वास्थ्य शिविर:२१४ ले लिए सेवा

धादिङ,०१ ज्येष्ठ ।
नेत्रावती डबजोङ गाउँपालिकामा नसर्ने रोगहरुको स्क्रिनिङ सहित निशुल्क स्वास्थ्य शिविर सम्पन्न भएको छ ।

गैर सरकारी संस्था महासंघ धादिङको आयोजना, नेत्रावती डबजोङ गाउँपालिका स्वास्थ्य शाखाको समन्वय तथा स्वास्थ्य कार्यालय धादिङ र आईसिडिसिको सहयोगमा संचालन भएको एक दिने शिविरमा २१४ जनाले सेवा लिएका छन् ।

शिविरमा वडा नं. ४ को नेत्रावती डबजोङ अस्पतालमा ३१ जना पुरुष र ७० जना महिला गरी १०१ जनाले स्वास्थ्य परिक्षण गराएका छन्। परिक्षण गराएका मध्ये सुगर र प्रेसरका ३ जनालाई थप उपचारको लागि रेफर गरिएको छ ।

त्यसैगरी वडा नं. ३ को सेमजोङ स्वास्थ्य चौकीमा भएको शिविरमा ४६ जना पुरुष र ६७ जना महिला गरी ११३ जनाले सेवा लिएका छन् । परिक्षण गराएका मध्ये ५ जना बिरामीलाई थप उपचारको लागि रेफर गरिएको छ ।

शिविरमा धादिङ अस्पतालका मेडिकल अधिकृत सविन भण्डारी, नेत्रावती डबजोङ अस्पतालका डा.उत्तम थापा मगर, ल्याब टेक्निसियन किरण थापा मगर लगायत अस्पतालका कर्मचारीहरुले जाँच गरेका थिए ।

शिविरमा गाउँपालिकाका अध्यक्ष मेघनाथ रिजाल, उपाध्यक्ष सिता माया गुरुङ, स्वास्थ्य शाखा प्रमुख कृष्ण बद्री पौडेल, आइसिडिसिका राजन दुवाडी लगायतको आतिथ्य रहेको थियो।