खनियाबासका महिलालाई आत्मनिर्भर बनाउन सिलाई कटाई तालिम, सहभागीलाई मेशिन वितरण

धादिङ,१० ज्येष्ठ।
उत्तरी धादिङको खनियाबास गाउँपालिकाका महिलालाई आत्मनिर्भर बनाउन सिलाई कटाई सम्बन्धी तालिम दिइएको छ ।

स्थानिय श्रोत, साधन, सिप र उद्यमशिलताबाट आय आर्जनमा वृद्धि, खनियाबास गाउँबासीको समृद्धि भन्ने नारा सहित खनियाबास उद्यमशीलता विकास परियोजना अन्तरगत गाउँपालिकाको आयोजनामा वडा नं ३ मानेचेतका महिलाहरुलाई ४५ दिने सिलाई कटाई सिप विकास तालिम दिईएको हो ।

२०७९ चैत ३ गतेदेखी २०८० बैशाख १८ गतेसम्म सञ्चालन भएको तालिममा २५ जना महिलाहरु सहभागी थिए ।गाउँपालिकाले एक कार्यक्रमका बिच तालिममा सहभागीहरुलाई सिलाई मेसिन वितरण गरेको छ ।

सहभागीहरुको २० प्रतिशत लागतमा गाउँपालिकाले २५ वटा सिलाई मेसिन खरिद गरी प्रदान गरेको योजना तथा प्रशासन सहायक पुस्कल श्रेष्ठले बताउनु भयो ।

सिलाई मेसिन वितरण गर्दै गाउँपालिकाका अध्यक्ष रण बहादुुर तामाङले सिलाइ कटाइ तालिम जीवन उपयोगी हुने भएकोले सिकेको सीप व्यवहारमा उतार्न सहभागिहरुलाई आग्रह गर्नुभयो ।

मानिसलाई सिपले स्वरोजगार बनाउने र जीवनमा परिवर्तन हुने भन्दै अध्यक्ष तामाङले श्रम र सिपले आय आर्जन गर्न सकिने भएकाले सिप हुने मानिस जहिले पनि समाजमा सम्मानित हुने बनाउनुभयो ।

कार्यक्रममा बोल्दै गाउँपालिकाका उपाध्यक्ष सेक्केमान तामाङले सहभागिताहरु आफैले छानेको तालिम भएकोले आर्थिक उपार्जनमा महत्वपूर्ण योगदान पु¥याउने बताउनु भयो ।

कार्यक्रममा सहभागिहरुले सिकाई राम्रो भएकाले स्वरोजगार बन्न महत्वपूर्ण भूमिका खेल्ने बताएका थिए । यो तालिम बेसिकमात्रै भएकाले अझै एडभान्स कोर्सको तालिम दिन आग्रह गरेका थिए ।