बृद्धा बलात्कार घटनाका आरोपित गल्छीका नेत्रबहादुरलाई ९ वर्षपछि ६ वर्ष कैदको फैसला

धादिङ,१० जेठ।
७९ वर्षीया बृद्धा बलात्कार घटनाका आरोपित गल्छीका नेत्रबहादुर तामाङलाई ९ वर्षपछि ६ वर्ष कैदको फैसला गरेको छ ।

अदालतले २ वर्ष भन्दा बढीसमय मुद्दा फैसला गर्नेसमय राख्न नहुने बताएपनि निरन्तर सुनुवाई गर्नुपर्ने विषयको बलात्कार मुद्दाको फैसला हुनका लागि ९ वर्षसम्म समय लागेको छ ।

धादिङ जिल्ला अदालतका न्यायधिस स्वीकृति पराजुलीको इजलासले मंगलबार उक्त घटनाका आरोपित गल्छी गाउँपालिका–५ का ५९ बर्षिय लप्टन भन्ने नेत्रबहादुर तामाङलाई तामाङलाई ६ वर्ष कैद गर्ने फैसला गर्नुभएको हो ।

जिल्ला अदालतले बलात्कार गर्नेलार्ई ६ वर्ष जेल सजाय, पीडितलाई १ लाख रुपैयाँ क्षतिपूर्ति दिन र पीडित राहत कोषमा १ हजार २ सय रकम तिर्नुपर्ने अन्तिम फैसला भएको जिल्ला अदालतका श्रेस्तेदार खुम भण्डारीले जानकारी दिनुभयो ।

१८ औँ पेसीमा मुद्दा फैसला भएको देखिन्छ ।०७० चैत ३ गते तत्कालिन अवस्थामा ७० वर्षीया बृद्धालाई बलात्कार गरेका आरोपित विरुद्ध पीडित पक्षले ०७१ बैशाख ४ गते सरकारी वकिल कार्यालय मार्फत जबरजस्ती करणी मुद्दा दर्ता भएको थियो ।

पीडित पक्षले उजुरी दिएपनि आरोपित फरारभएका कारण ०७१ मंसिर १० गतबाट मुद्दालाई मुल्तवीमा राखिएको थियो ।हरेक दुई वर्षमा मुल्तबीमा राखिएको मुद्दालाई अदालतले जगाउने गरेको छ ।

लामो समय मुल्तबीमा रहेकोमुद्दाको जिल्ला अदालतले ०७९ फागुन १५ गते पुनः मुद्दा जगाएपछि फैसला भएको हो ।घटनामा संलग्न तामाङ हाल पनि फरार छन् ।