साढे चार केजी गाँजासहित धादिङका बिपिन मगर पक्राउ

धादिङ,१२ ज्येष्ठ।
काठमाडौंको चन्द्रागिरी नगरपालिका–२ स्थित देउराली भञ्जाङबाट अवैध लागुऔषध गाँजासहित एक जना पक्राउ परेका छन् ।

बिहीबार बिहान प्रहरी प्रभाग नागढुंगाबाट खटिएको प्रहरीले करिब ४ केजी ५ सय ग्राम लागुऔषध गाँजासहित धादिङको गल्छी गाउँपालिका–१ बस्ने २६ वर्षीय बिपिन मगरलाई पक्राउ गरेको हो ।

धादिङबाट काठमाडौंतर्फ जाँदै गरेको ना.५१ प ३३६८ नम्बरको मोटरसाइकललाई जाँच गर्ने क्रममा उनलाई उक्त लागूऔषधसहित फेला पारी पक्राउ गरेको प्रहरीले जनाएको छ ।