बेनिघाट रोराङमा भिरबाट लडेर आमाछोराको ज्यान गयो

१६ जेठ । धादिङको बेनिघाट रोराङ गाउँपालिका वडा नं २ मासखर्कस्थित जौलाखाईमा भिरबाट लडेर आमाछोराको मृत्यु भएको छ।

मृत्यु हुनेमा स्थानीय १९ वर्षीया अप्सरा चेपाङ र उनका दुई वर्षीय छोरा साजन रहेका छन् । सोमबार अपरान्ह कात्तिकेचुली जङ्गलमा छोरासहित घाँस काट्न गएको बेला छोरा भिरबाट लडेपछि छोरालाई उद्दार गर्न जाँदा अप्सरा पनि लडेको जिल्ला प्रहरी कार्यालय धादिङले जानकारी दिएको छ ।

करिब ५० मिटर अग्लो भिरबाट लडेर घाईते भएकी उनलाई ४ घण्टापछी मलेखु टिचिङ अस्पताल ल्याईएको र अस्पताल आइपुग्नासाथ डाक्टरले मृत घोषणा गरेको प्रहरीले जनाएको छ।उनी ७ महिनाको गर्भवतीसमेत थिईन् ।

प्रहरीका अनुसार बालकको भने घटानास्थलमै मृत्यु भएको हो । अप्सराको शवलाई मलेखु टिचिङ अस्पतालमा राखिएको र पोस्टमार्टमपछि आफन्तलाई जिम्मा लगाइने प्रहरीले जनाएको छ ।तस्विर नारायण सिलवाल