धादिङ घर भएका एक विद्यार्थी इलिप्स स्कुलको छात्रावासमा मृत भेटिए

काठमाडौं,१७जेठ।

काठमाडौं नयाँबजारस्थित इटरनल लाइट पब्लिक स्कुल (इलिप्स) को छात्रावासभित्र धादिङका एक जना विद्यार्थी मृत फेला परेका छन् ।

१३ वर्षीय अभिषेक तामाङ गएराती आफु बस्ने कोठा भित्रै झुण्डिएको अवस्थामा मृत फेला परेको लैनचौर प्रहरीले जनाएको छ ।उनको शव पोष्टमार्टमका लागि अस्पताल पठाइएको छ ।

मृत्युको कारण खुलिसकेको छैन । घटनाबारे थप अनुसन्धान भइरहेको प्रहरीले  जनाएको छ।

मृतक बिद्यार्थी इलिप्सको कक्षा ५ मा अध्ययनरत थिए ।

आफूहरु घटनास्थल आउनुअघि नै पोष्टमार्टमका लागि शव अस्पताल लगेको भन्दै बालकका आफन्तले विरोध प्रदर्शन गरेका छन् ।