सल्यान्टारमा ४२ जनाद्धारा रक्तदान

धादिङ,२५ ज्येष्ठ ।
नेपाल प्रेस युनियनको नवौ जिल्ला अधिवेशनको अवसरमा आयोजित रक्तदान कार्यक्रममा ४२ जनाले रक्तदान गरेका छन् ।

नेपाल प्रेस युनियन जिल्ला शाखा धादिङको आयोजनामा त्रिपुरासुन्दरी गाउँपालिका स्थित सल्यान्टारमा भएको रक्तदान कार्यक्रममा ८ जना महिला र ३४ जना पुरुष गरी ४२ जनाले रक्तदान गरेको नेपाल रेडक्रम सोसाइटी धादिङ शाखाका कोषाध्यक्ष नारायण कुमार श्रेष्ठले जानकारी दिनुभयो ।

रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।