एनटीए च्याम्पियन:४१ केजीमा धादिङका राजुलाई स्वर्ण,४५ केजीमा सुमनलाई रजत

धादिङ,२९ जेठ।
प्रथम एनटीए लिग च्याम्पियनमा धादिङले एक स्वर्ण र एक रजत पदक जित्न सफल भएको छ ।

नेपाल तेक्वान्दो संघको आयोजनामा जेठ २६ गतेदेखी २८ गतेसम्म काठमाडौँमा भएको प्रतियोगितामा धादिङका राजु तामाङले स्वर्ण पदक र सुमन घलेले रजत पदक जितेको धादिङ जिल्ला तेक्वान्दो संघका अध्यक्ष प्रदिप गिरीले जानकारी दिनुभयो ।

प्रतियोगितामा ४१ केजी तौल तर्फ धादिङका राजु तामाङले ६ जना प्रतिस्पर्धी लाई पराजित गर्दै स्वर्ण जितेका हुन् भने सुमनले पाँचौं खेल जितेपनि छैटौं खेलमा पराजित हुँदा रजत पदकमै रोकिएको गिरीले बताउनुभयो ।

प्रतियोगितामा धादिङका ४ जना सहित देशभरबाट १ हजार खेलाडी सहभागी थिए ।