दुईतर्फी नै सञ्चालनमा आयो नारायणगढ–मुग्लिन सडक खण्ड

चितवनको इच्छाकामना गाउँपालिका वडा नम्बर ५ तीन नम्बर पुलमा गए राति खसेको पहिरो पन्छाएपछि नायणगढ–मुग्लिन सडक खण्ड दुईतर्फी नै सञ्चालनमा आएको छ ।

अहिले दुईतर्फी नै गाडी चलिरहेका  डिभिजन सडक कार्यालय चितवनले जनाएको छ। जोखिम कायमै रहेकोले सावधानी पूर्वक गाडी चलाउन कार्यालयले अनुरोध गरेको छ।

यो सडक खण्डमा गएको बिहीवारदेखि पटक पटक पहिरो खस्दा सडक अवरुद्ध हुँदै आएको छ।