बसले मोटरसाईकललाई ठक्कर दिँदा धादिङ नेत्रावतीका एकको मृत्यु,एक घाईते

धादिङ,१८ असार।
तनहुँको आँबुखैरेनी गाउँपालिका १ बरादीमा बसले मोटरसाईकललाई ठक्कर दिँदा एक जनाको मृत्यु भएको छ।एक जना घाईते भएका छन्।

आईतबार दिउँसो पृथ्वि राजमार्गस्थित बरादी पेट्रोल पम्प नजिकै मुग्लिनबाट डुम्रेतर्फ जाँदै गरेको ग २ ख १२३५ नं को बसले सोही दिशाबाट आउदै गरेको बा प्र ०२ ०१५ प ६२३६ नं को मोटरसाईकललाई ठक्कर दिदाँ धादिङ नेत्रावती डवजोङ-४ का २७ बर्षिय सागर तामाङको मृत्यु भएको प्रहरीले जनाएको छ।

ठक्करबाट मोटरसाईकलको पछाडी सवार नेत्रावती डवजोङ-२ कै अनदाजी २७ बर्षिय सुरेन तामाङ घाईते भएका छन् ।उनको आबुखैरेनी अस्पतालमा उपचार भईरहेको छ।

ठक्कर दिने बस चालकलाई नियन्त्रणमा लिएको प्रहरीले जनाएको छ।