धादिङबेशीबाट चोरीको मोटरसाईकल सहित दुईजना पक्राउ

धादिङ,१९ असार।
धादिङबेशीबाट चोरीको मोटरसाईकल सहित दुईजना पक्राउ परेका छन्।

पक्राउ पर्नेमा धादिङ निलकण्ठ नगरपालिका-११ बस्ने बर्ष–२० को सुरज बोगटी र नेत्रावती डबजोङ गाउँपालिका-२ बस्ने बर्ष–२० को बिशाल गुरुङ रहेका छन्।

निलकण्ठ-३ स्थित एमालेचोकको सडक किनारामा पार्किङ गरी राखेको अवस्थामा आईतबार राति ११ः३० वजे रातो कालो रंगको बा ८१ प ५१०२ नम्बरको मोटरसाईकल चोरी भएको निवेदन पश्चात सदरमुकाम प्रवेश गर्ने नाकाहरुमा नाकावन्दी गरी चेकजाँच गर्दा सोमबार आँसीखोला दोभानबाट मोटरसाईकल सहित बोगटी र गुरुङलाई पक्राउ गरिएको प्रहरीले जनाएको छ।

पक्राउ परेकाहरुलाई धादिङ जिल्ला अदालतबाट ५ दिनको म्याद थप लिई अनुसन्धान भईरहेको प्रहरीले जनाएको छ।