धादिङका यी ४ पालिकाले मन्त्रालयमा अझै पेश गरेनन् बजेट

धादिङ,०२ श्रावण।
धादिङका ४ वटा स्थानीय तहले आर्थिक बर्ष २०८०/८१ को वजेट पेश नगरेको पाईएको छ।

संघीय मामिला तथा सामान्य प्रशासन मन्त्रालयको वजेट अपडेट पोर्टलमा ४ वटा गाउँपालिकाले वजेट पेश नगरेको पाईएको हो । स्थानीय सरकार सञ्चालन ऐन,२०७४ को दफा ७१ को उपदफा एक र पाँच बमोजिम असार १० गते भित्र नगर तथा गाउँ सभामा पेश भएको वजेट सोही दफाको उपदफा ६ बमोजिम असार मसान्त भित्र सभाबाट पारित गरिसक्नु पर्ने व्यवस्था छ ।

तर मन्त्रालयको पोर्टलमा उल्लेख भए अनुसार धादिङको थाक्रे, त्रिपुरासुन्दरी, नेत्रावती डवजोङ र खनियाबास गाउँपालिकाले वजेट विवरण पेश गरेका छैनन् ।

बजेट प्रस्तुत भएपनि मन्त्रालयको पोर्टलमा अपडेट नगराएका कारण यस्तो भएको हुन सक्ने बताईएको छ ।

नयाँ आर्थिक वर्ष २०८०/८१ हिजोदेखी शुरु भएको छ।