मलेखुमा ट्रकले मोटरसाईकललाई ठक्कर दिंदा एकको मृत्यु,एक घाईते

धादिङ,०५ श्रावण।
धादिङको बेनिघाट रोराङ गाउँपालिका३ मलेखुमा ट्रकले मोटरसाईकललाई ठक्कर दिंदा एक जनाको मृत्यु भएको छ।एक जना घाईते भएका छन्।

काठमाडौबाट मुग्लिङ तर्फ जाँदै गरेको प्रदेश १–०२–००१ ख ८०२९ नम्बरको ट्रकले विपरित दिशाबाट आउँदै गरेको बागमती प्रदेश ०२–०३७ प ७७३१ नम्बरको मोटरसाइकललाई ठक्कर दिदा मोटरसाइकल चालक विरगञ्जका २५ वर्षिय कृष्ण श्रीवास्तवको मृत्यु भएको जिल्ला प्रहरी कार्यालय धादिङका प्रहरी नायव उपरिक्षक सन्तुलाल प्रसाद जैसवारले जानकारी दिनुभयो ।

श्रीवास्तवको घटनास्थलमै मृत्यु भएको जैसवारले बताउनुभयो । यस्तै ठक्करबाट मोटरसाईकलमा सवार लमजुङकी २० वर्षिया अस्मीता पाठक घाईते भएको जैसवारले बताउनुभयो।

पाठकको मलेखु टिचिङ अस्पताल मलेखुमा उपचार भईरहेको छ। ठक्कर दिने ट्रक र ट्रक चालकलाई नियन्त्रणमा लिईएको जैसवारले बताउनुभयो।तस्विर:विकास रौनियार