हाप्किडो संघ धादिङको अध्यक्षमा किशोर तामाङ चयन

धादिङ,०५ श्रावण।
नेपाल हाप्किडो संघ धादिङको अध्यक्षमा किशोर तामाङ चयन भएका छन्।

शुक्रबार धुनिबेशीमा सम्पन्न जिल्ला भेलाले किशोर तामाङको अध्यक्षतामा ८ सदस्यीय हाप्किडो संघ धादिङ गठन गरेको हो ।

नव गठित कार्य समितिको उपाध्यक्षमा दावा लामा र सुदिप थापा, सचिवमा सन्तोष रेग्मी, कोषाध्यक्षमा मञ्जु तामाङ चयन भएका छन् ।यस्तै सदस्यहरुमा सुनिल तामाङ, सुमन उप्रेती र बलराम मगर चयन भएका छन् ।

यसैगरी भेलाले ३ सदस्यीय सल्लाहकार समिति समेत गठन गरेको छ ।

सल्लाहकार समितिको संयोजक राजकुमार पाठक र सदस्यहरु राजकुमार रुपाखेती र विदुर आचार्य चयन भएका छन् ।

हाप्किडो संघ बागमती प्रदेशका अध्यक्ष मनोज लामाको अध्यक्षतामा भएको भेलामा जिल्ला खेलकुद विकास समिति धादिङका अध्यक्ष प्रताप सि तामाङको प्रमुख आतिथ्यता तथा माओवादी केन्द्र धादिङका सचिव दिपक लामिछाने (सुवोध), धुनीबेशी ६ का वडा अध्यक्ष रमेश आचार्यको विशेष आतिथ्यता रहेको थियो ।