नारायणगढ-मुग्लिन सडक पुनः अवरुद्ध

नारायणगढ-मुग्लिन सडक खण्ड पुनः अवरुद्ध भएको छ । आज बिहान ७ बजे इच्छाकामना गाउँपालिका–६ कालीखोलामा पहिरो खसेपछि सडक पुनः अवरुद्ध भएको हो ।

सो सडक भएर गुड्ने सवारी साधन र यात्रु अलपत्र परेका जिल्ला प्रहरी कार्यालय चितवनले जनाएको छ। पहिरो पन्छाउने काम भइरहेको प्रहरीको भनाइ छ ।

आज बिहान १ बजे सोही स्थानमा खसेको पहिरो पन्छाएर ३ बजेदेखि सडक सञ्चालनमा ल्याइएको थियो । पहिरोका कारण यस सडकखण्ड पटक–पटक अवरुद्ध हुँदै आएको छ ।file photo