धादिङमा अरिङ्गाल पोल्ने क्रममा रुखबाट लडेर एक जनाको मृत्यु

धादिङ,१३ श्रावण।
धादिङमा अरिङ्गाल पोल्ने क्रममा रुखबाट लडेर एक जनाको मृत्यु भएको छ।

धादिङको गंगाजमुना गाउँपालिका वडा नं ४ गुम्दी बस्ने बर्ष ४१ को शम्भु अधिकारीको मृत्यु भएको जिल्ला प्रहरी कार्यालय धादिङले जनाएको छ ।

शुक्रबार आफ्नै बारीमा भएको चिलाउनेको रुखमा अरिङ्गाल पोल्ले क्रममा लडेर घाईते भई उपचारको लागी जिल्ला अस्पताल धादिङ ल्याईएको अधिकारीको आज दिउँसो उपचारको क्रममा मृत्यु भएको प्रहरीले जनाएको छ ।