त्रिशूलीमा आएको बाढीले धादिङ र गोरखा जोड्ने २ झोलुङ्गे पुलमा क्षति

धादिङ,२९ साउन।
त्रिशूली नदीमा आएको बाढीले धादिङ र गोरखा र जोड्ने २ वटा झोलुङ्गे पुलमा क्षति पुर्‍याएको छ।

धादिङको बेनिघाट रोराङ-७ चरौंदी र गोरखाको गण्डकी गाउँपालिका वडा नम्बर ७ जोड्ने त्रिशूलीको पुलमा क्षति पुर्‍याएको छ। बाढीले बगाएर ल्याएका काठ त्रिशूलीमाथिका पुलमा अड्किएका छन्।

यस्तै धादिङको बेनिघाट रोराङ गाउँपालिका १० र गोरखाको गण्डकी गाउँपालिका ६ जोड्ने हिक्लुङघाटको झोलुङ्गे पुलमा पनि क्षति पुर्‍याएको छ।

त्रिशूलीमा गए राति ठूलो बाढी आएको थियो।बाढीले त्रिशूली नदी माथिका झोलुङ्गे पुललाई जोखिमपूर्ण बनाएकोले सजक रहन गण्डकी गाउँपालिका अध्यक्ष दीपक तिमिल्सिनाले आग्रह गरेका छन्।