यात्रुबाहक बस त्रिशुलीमा खस्यो,थप विवरण आउन बाँकी

धादिङ,०६ भदौ।
धादिङको गजुरी गाउँपालिका-२ स्थित चालीसे झरना नजिकैबाट यात्रुबाहक बस त्रिशुली नदीमा खसेको छ ।

काठमाडौंबाट पोखरा जाँदै गरेको बस आज बिहान त्रिशुलीमा खसेको जिल्ला प्रहरी कार्यालय धादिङले जनाएको छ।

उद्धार टोली घटनास्थलमा परिचालित भइसकेको र अहिलेसम्म १८ जनाको उद्धार गरिएको प्रहरीले जनाएको छ।

प्रहरीका अनुसार बसको पछाडिको ९९५२ नम्बरमात्रै देखिएको छ।बसमा कति सवार थिए भन्ने विवरण भने आउन बाँकी नै छ।तस्वीर:रामहरी थापा