धादिङ दुर्घटना अपडेटःआठको मृत्यु,सोह्र जना घाईते(तस्बिरहरू)

धादिङ,०६ भदौ।

धादिङको गजुरी गाउँपालिका वडा नम्बर २ मा भएको यात्रुबाहक बस दुर्घटनामा परी ८ जनाको मृत्यु भएको छ।

दुर्घटनास्थलबाट २४ जनाको उद्धार गरिएकोमा १६ जना घाईते छन् ।

घाईतेमध्ये २ जनाको धादिङकै राजमार्ग अस्पताल र १४ जनालाई थप उपचार गर्न काठमाडौं पठाईएको जिल्ला प्रहरी कार्यालय धादिङका प्रवक्ता एवम् प्रहरी नायब उपरीक्षक(डीएसपी) सन्तु जयसवालले जानकारी दिनुभयो ।

मृतकमध्ये २ जना महिला र ६ जना पुरूष छन्।मृत्यु भएकाहरूको नाम खुलिसकेको छैन।

काठमाडौंबाट पोखरा हुँदै म्याग्दी सदरमुकाम बेनी जाँदै गरेको प्रदेश ३–०१–००५ ख ९९५२ नम्बरको बस आज बिहान सवा ११ बजे दुर्घटनामा परेको हो।बस त्रिशूली नदीमा पुगेको छ।

बस बिहान ७ बजे काठमाडौंबाट छुटेको थियो। गाडीमा कति यात्रु थिए भन्ने खुलेको छैन । गाडीका चालक तथा सहचालकको अवस्था पनि थाहा नभएको डीएसपी जयसवालले जानकारी दिनुभयो।तस्बिर स्रोतः एपिएफ

तस्बिरहरू: