धादिङमा आज ५१ जना डेङ्गीका बिरामीः२ जनामा स्क्रब टाइफसको संक्रमण

धादिङ,११ भदौ।
पछिल्लो २४ घण्टामा धादिङमा ५१ जना डेङ्गीका बिरामी भेटिएका छन्।

२६ जना पुरुष र २५ जना महिला गरी थप ५१ जना डेङ्गीका बिरामी भेटिएको स्वास्थ्य कार्यालय धादिङले जनाएको छ।

संक्रमितमध्ये नीलकण्ठ नगरपालिकाका ४० जना,ज्वालामुखीका ४ जना,सिद्धलेकका ३ जना,बेनिघाट रोराङका २ जना,  गजुरीका १ जना र गंगाजमुनाका १ जना रहेका छन्।

साउन १ यता जिल्लामा संक्रमित हुनेको संख्या २ हजार ३५७ पुगेको छ।जसमा पुरुष १ हजार १५७ र महिला १ हजार २०० जना छन्। हालसम्मको कुल संक्रमितमध्ये २ हजार ६ जना निलकण्ठका मात्रै छन् ।

संक्रमणकै कारण धादिङमा एक जनाको मृत्यु समेत भईसकेको छ।

यसैगरी आज थप २ जनामा स्क्रब टाइफस संक्रमण भएको छ।संक्रमितहरुमा गल्छीका १ पुरुष र ज्वालामुखीकी १ महिला छिन्।

अहिलेसम्म संक्रमितत हुनेको संख्या ८५ पुगेको छ।संक्रमितहरुमा ३९ जना पुरुष र ४६ जना महिला छन् ।गत बर्ष २०७९/०८० मा जम्मा ४८ जनामा देखिएको स्क्रब टाइफस अहिले ४१ दिनको अवधीमा ८५ जना संक्रमित भईसकेका छन्।