गजुरी–५ घाटबेसीमा बस दुर्घटना,९ जना घाईते

धादिङ,१४ भदौ।
पृथ्वी राजमार्ग अन्तरगत धादिङको गजुरी गाउँपालिका वडा नं.५ स्थित घाटबेसीमामा बस दुर्घटना हुदाँ ९ जना घाईते भएका छन्।

चितवनबाट काठमाण्डौ तर्फ जाँदै गरेको ना ८ ख ८६९६ नं को बस अनियन्त्रित भई बिहान १०ः२० बजेको समयमा भित्तामा ठोक्किदा ९ जना घाईते भएको ईलाका प्रहरी कार्यालय गजुरीले जानकारी दिएको छ।

घाईतेहरुलाई उपचारको लागी गजुरी प्राथमिक स्वास्थ्य केन्द्रमा पठाईएको प्रहरीले जनाएको छ ।बसमा २९ जना सवार थिए। बस र चालकलाई नियन्त्रणमा लिईएको र सडकमा कुनै अबरोध नभएको प्रहरीले जनाएको छ ।तस्विर:विक्रम अधिकारी