प्रयास नेपाल धादिङको अध्यक्षमा बिर बहादुर श्रेष्ठ चयन

धादिङबेसी,१७ भदौ।
प्रयत्नशील सामुदायिक विकास समाज (प्रयास नेपाल) धादिङको अध्यक्षमा बिर बहादुर श्रेष्ठ चयन हुनुभएको छ।

शनिबार धादिङबेसी सम्पन्न भएको संस्थाको २२ औं बार्षिक साधारणसभा तथा नवौं अधिबेशनले श्रेष्ठको अध्यक्षतामा ७ सदस्यीय नयाँ कार्यसमिति चयन गरेको हो।

कार्यसमितिको उपाध्यक्षमा उषा बि.क, सचिवमा गोबिन्द प्रसाद पण्डित, सह–सचिवमा सरिता चेपाङ, कोषाध्यक्षमा बिपिना सिंजाली मगर चयन हुनुभएको छ।

यस्तै सदस्यहरुमा गोमा तामाङ र सुरेन्द्र बि.कलाई चयन गरेको संस्थापक उपाध्यक्ष कपिलदेव सापकोटाले जानकारी दिनुभयो।