नीलकण्ठ माविमा ८५ जनाले गरे रक्तदान

धादिङ,१९ भदौ।
धादिङबेशी स्थित नीलकण्ठ माध्यमिक विद्यालयमा ८५ जनाले गरे रक्तदान गरेका छन् ।

नेपाल रेडक्रस सोसाईटीको ६१ औं स्थापना दिवसको अवसरमा युवा रेडक्रस सर्कल निलकण्ठ माविको आयोजनामा मंगलबार भएको रक्तदान कार्यक्रममा १७ महिला र ६८ पुरुष गरि ८५ जनाले रक्तदान गरेको नेपाल रेडक्रम सोसाइटी धादिङ शाखाका कोषाध्यक्ष नारायण कुमार श्रेष्ठले जानकारी दिनुभयो।

रक्तदान कार्यक्रममा लायन्स क्लव अफ काठमाडौँ व्लड सर्कलको सहकार्य तथा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो।जिल्लामा अभियानकै रुपमा रक्तदान कार्यक्रम आयोजना गरिदै आएको छ।

रगतको अभावलाई न्युनीकरण गर्नको लागी विभिन्न मेला, पर्व, उत्सव, विद्यालयको बार्षिक उत्सव,सहकारीको बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको धादिङ रेडक्रसका कोषाध्यक्ष श्रेष्ठले बताउनुभयो ।