बागमतीमा दिगो विकास लक्ष्यका लागि नागरिक मञ्च गठन

धादिङ।दिगो विकास लक्ष्य ८.७ का लागि नागरिक मञ्च बागमती प्रदेशमा नयाँ कार्यसमिति गठन गरिएको छ।

आईतवार वाल कल्याण समाज मकवानपुरका अध्यक्ष एवं राष्ट्रिय वाल संरक्षण संजालका केन्द्रिय अध्यक्ष प्रकाश खतिवडाको संम्योजकत्वमा १३ सदस्यीय कार्यसमिति गठन गरिएको हो।

कार्यसमितिमा मञ्चमा आवद्ध संस्थाहरु युथ एलोङ्ख भोइसका सुजन अधिकारी, सरोकार समाज नेपालका अशोक खनाल,युथ क्लव नायारगढका दयाराम कंडेल, बाल हेल्पलाईनका झविन्द्र ज्ञवाली, प्रयास धादिङका सुनिता कडेल, विश्वास नेपालका मधु गुरुङ् ,कोशिश , एनजिओ फेडेरेशन , पत्रकार महासंघका प्रतिनिधि एवं जेआईभिसीसीका रामहरि नेपाल, मानव अधिकार संरक्षण तथा मानव बेचविखन विरुद्धको संजालको प्रतिनिधिहरु चयन भएका छन्।

मञ्चले हालसम्म लुम्विनी प्रदेश, मधेश प्रदेश , सुदुरपश्चिम प्रदेश र आईतवार वाग्मती प्रदेशमा गठन गरेको छ भनेसातै प्रदेशमा गठन हुने जनाएको छ ।

कार्यक्रममा स्वतन्त्रता अभियान नेपालका कार्यक्रम अधिकृत सामना बरालले नेपालमा बालश्रमको वर्तमान अवस्था, हालसम्म भएका उपलब्धिहरु, बालश्रम निवारणमा देखिएका समस्या तथा भावि कार्यदिशाको बारेमा प्रस्तुतीकरण गरेकी थिईन ।

नेपालको बालश्रम निवारण सम्बन्धी गुरुयोजना २०७५–२०८५ ले वि.स. २०७९ सम्म निष्कृट प्रकारको र २०८२ सम्म सबै प्र कारको बालश्रमको अन्त्य गर्ने लक्ष्य लिएको छ ।

बाल श्रम, बाध्यकारी श्रम र मानव बेचबिखन विरुद्ध हुने क्रियाकलापहरुलाई रोक्नुका साथै प्रदेशको कानुन निर्माणमा सरकारसँग सहयोग गर्ने , कानुनको पुनरावलोकन गर्ने र कानुनको प्रभावकारी कार्यान्वयनका लागि पैरवी गर्नुका साथै विभिन्न सरकारी संघ संस्थाहरुसँग समन्वय र सहकार्य गर्ने उदेश्यका साथ यस मञ्चको गठन गरिएको नागरिक मञ्च बागमती प्रदेशका संम्योजक प्रकाश खतिवडाले जानकारी दिए।